Niemand kan by Die Heuwels Fantasties kers vashou nie. Dis alternatiewe musiek deur gesoute musikante en liedjieskrywers en hulle vertoonkas is vol goue albums en elke denkbare SA-musiektoekenning. Sedert hulle debuut in 2009 het DHF deurentyd die kol getref met sukses op radiostasies en TV-kanale. Met duisende volgelinge op sosiale media is DHF se “Ballade vir ‘n Enkeling” meer as twee miljoen keer gekyk. ‘n Eerste was hul liriek-video “LED Liefde” waarmee ‘n nuwe rigting in Afrikaanse elektroniese musiek ingeslaan is. Ná tien jaar is dit tyd vir DHF se bestes en drie splinternuwe snitte.
- 2022